بصوا يابنات دى نصايح تودى فى داهيه وجميله خالص لكل بنت مخطوبه ولازم تعملوا بيها
بالنسبه للتليفون سيبيه هوه يتصل لكن انتى اوعى تتصلى بيه اصلهم بينسوا نفسهم فى الكلام ...خليه هوه يشرب فاتورة التليفون فى الاخر
اذا قالك تعالى نخرج ...اوعى تروحى اماكن كده رخيصه...روحى اماكن غاليه واطلبى اغلى حاجه هناك...فرصه يابنتى ..مش هتعوضيها
اعملى عيد ميلادك عشرين تلاتين مره كده فى السنه ...فرصه علشان الهديه ولو عرفتى تعملى عيد ميلادك كل يومين يبقى احسن
احتفلى بكل المناسبات الرسميه وغير الرسميه ولازم طبعا يجيبلك هديه فى المناسبات دى ...ولو حكمت يعنى ...احتفلى حتى بعيد العمال ...مش تفوتى فرصه خالص
اذا قالك انا جايلكم البيت ..(خلى بالك بيبقى عامل حسابه يتغدى) ..قوليله الميه قاطعه ومش طبخنا النهارده
وانتى خارجه معاه ..خليكى ماشيه فى الشوارع اللى فيها محلات كتير ..وادخلى طوقيه فى حاجات ليكى يشتريها ويسلام لو يجيب للعيله كلها
بعد ما تعملى بالنصايح دى اوعدك ان شاء الله فى خلال كام يوم ...هتسيبوا بعض ...هوه هيفلس وبعدها هيقرر الانتحار.....وادعولى بقى
موضوع: نصايح تودى فى داهيه 
الخميس نوفمبر 22, 2007 7:10 pm